„მე მეკუთვნის ეს ყველაფერი, ჩემია. დანარჩენ ინფორმაციას გამოძიების ინტერესებიდან გამომდინარე ვერ გავაჟღერებ. ჩემთან ერთად ბევრი ადამიანის ფოტოს ნახავთ ინტერნეტ-სივრცეში გამომდინარე ჩემი ძალიან დიდი კონტაქტებიდან და კომუნიკაციებიდან. შეიძლება ითქვას, ნახევარ საქართველოს ვიცნობ და ნახევარ საქართველოსთან მაქვს გადაღებული ფოტო. მე ცხოვრების არც ერთ ეტაპზე, არც ერთ ნაბიჯზე არ მისარგებლია ჩემი პირადი კონტაქტებით. მით უმეტეს, როცა შეცდომა დავუშვი, უფრო არ ვისარგებლებდი“, – ამბობს ლევან ჯიბღაშვილი.
მსახიობი ორი დღის წინ ნარკოდანაშაულის ბრალდებით დააკავეს. მას სასამართლომ 10 ათასი ლარის გირაო შეუფარდა. ჯიბღაშვილმა უარყო გავრცელებული ინფორმაცია, თითქოს დაკავების მომენტში თბილისის მერთან კახა კალაძესთან დარეკვას ითხოვდა.