თბილისი, 21 აპრილი - Sputnik. საქართველოს საგარეო საქმეთა მინისტრმა დავით ზალკალიანმა სოციალურ ქსელ Twitter-ში გამოთქვა სამძიმარი შრი-ლანკაში აფეთქებების დროს ადამიანების დაღუპვასთან დაკავშირებით.
„შეწუხებული ვარ შრი-ლანკაში მომხდარი ტრაგიკული მოვლენების გამო. მკაცრად ვგმობთ ყველა ფორმის ძალადობას. ჩვენი თანაგრძნობა გვინდა გამოვხატოთ შრი-ლანკას ხალხის მიმართ და ვუსამძიმრებთ დაღუპულების ნათესავებს“, – დაწერა ზალკალიანმა.
შრი-ლანკას დედაქალაქ კოლომბოს და ქვეყნის სხვა ნაწილებში მდებარე კათოლიკურ ეკლესიებსა და სასტუმროებში აღდგომის დღესასწაულის დროს რვა აფეთქება მოხდა. ბოლო მონაცემებით, დაიღუპა 207 ადამიანი, 450-ზე მეტი დაშავდა.