პარასკევის დილიდან ირანის ოთხ პროვინციაში ძლიერად წვიმდა. იხილეთ „Sputnik-საქართველოს“ ფოტომასალაში გამანადგურებელი წყალდიდობის სურათები.
ათასობით ადამიანი იძულებული გახდა დაეტოვებინა საცხოვრებელი წყალდიდობის გამო, რომელიც უკვე სამი კვირაა გრძელდება. სტიქიას 40-ზე მეტი ადამიანის სიცოცხლე შეეწირა. ხელისუფლებამ იმ 14 სოფლის მოსახლეობის ევაკუაციის განკარგულება გასცა, რომლებიც კალაპოტიდან გადმოსულ ორ მდინარესთან ახლოს მდებარეობს.
სახელმწიფო ტელეარხის IRIB TV ინფორმაციით, წყალდიდობამ რეგიონის არანაკლებ 52 ქალაქსა და სოფელს მიაყენა ზიანი. ქალაქ აზერშეჰრის მდინარეებში კი წყლის დონემ მაქსიმალურ ნიშნულს მიაღწია, რაც კი ბოლო რამდენიმე ათწლეულის განმავლობაში დაფიქსირებულა.