ევროპის ჩემპიონატზე ძალოსნობაში სპორტსმენებს მედლები გადასცეს. იხილეთ „Sputnik-საქართველოს“ ფოტომასალაში ფინალური შეჯიბრების გამარჯვებულთა სურათები.
შაბათს, 13 აპრილს, კონტინენტის პირველობის დასკვნით დღეს მამაკაცებში მედლები სამ წონით კატეგორიაში გაიცა – 102 კგ-მდე, 109 კგ-მდე და 109 კგ-ზე ზემოთ.
ამ დღეს საქართველო ევროპის ჩემპიონატზე ოთხმა ძალოსანმა წარადგინა: ირაკლი ჩხეიძემ (-102 კგ), ლაშა ტალახაძემ, ირაკლი თურმანიძემ და გიორგი ჩხეიძემ (ყველა +109 კგ).
ქართველი ძალოსანი ლაშა ტალახაძე მეოთხედ გახდა ევროპის ჩემპიონი მას შემდეგ, რაც ბათუმის ტურნირი სამი მსოფლიო რეკორდის დამყარებით მოიგო.