მომაჯადოებელი ბუნება და მსოფლიოს ულამაზესი ჩანჩქერები

კლდის ფერდობებზე მომდინარე წყლის ზვირთები საოცარი სანახაობაა. იხილეთ „Sputnik-საქართველოს“ ფოტომასალაში მსოფლიოს ყველაზე ცნობილი ჩანჩქერების სურათები.

1 / 12

ნიაგარას ჩანჩქერი - ჩანჩქერების კასკადი ამერიკისა და კანადის საზღვარზე. ჩანჩქერს შეგვიძლია პლანეტის ქერქის ყველაზე ეფექტური ბუნებრივი ნაპრალი ვუწოდოთ. მდინარე ნიაგარა, რომელიც ერის და ონტარიოს ტბებს უერთდება, 50 მეტრის სიმაღლიდან იღვრება კილომეტრზე მეტ სიგანეზე

CC BY-SA 2.0 / Jeff Kubina / Niagara Falls

2 / 12

ანხელი - მსოფლიოს უმაღლესი ჩანჩქერი, მისი სიმაღლე 979 მეტრია. შედარებისთვის, ანხელი სამჯერ მაღალია ეიფელის კოშკთან შედარებით და 20-ჯერ აღემატება ნიაგარის ჩანჩქერს

3 / 12

ვიქტორიას ჩანჩქერი საოცარი ბუნებრივი ფენომენია, რომელსაც მდინარე ზამბეზი წარმოგქმნის ზამბიისა და ზიმბბავეს საზღვარზე. ჩანჩქერი ძალიან განიერია - დაახლოებით 1,8 კმ. წყლის ვარდნის სიმაღლე 80 მეტრიდან იწყება და 108 მეტრამდე აღწევს

CC BY 2.0 / Henning Supertramp / Victoria Falls Zambia

4 / 12

იგუასუ 275 ჩანჩქერისგან შედგება, მისი ჯამური სიგანე 3 კილომეტრს აჭარბებს, სიმაღლე კი 82 მეტრს აღწევს. წყლის ვარდნის ხმა 20-25 კილომეტრის მანძილზე ისმის. იგუასუ ბრაზილიისა და არგენტინის საზღვარზე მდებარეობს, მას ორი მდინარე წარმოქმნის - იგუასუ და პარანა

CC BY 2.0 / Boris Kasimov / Iguazu falls

5 / 12

ისლანდია ცნობილი ულამაზესი ჩანჩქერებით, ტბებით, გეიზერებითა და მყინვარებით. ისლანდიის ერთ-ერთი ყველაზე ცნობილი და გამორჩეული ჩანჩქერია დეტიფოსი. მისი სიგანე დაახლოებით 100 მეტრია, სიმაღლე კი - 44 მეტრი

CC BY 2.0 / Bernd Thaller / Dettifoss

6 / 12

ჩანჩქერი კაიეტური - ერთ-ერთი ყველაზე მძლავრი ჩანჩქერი, რომელიც დასავლეთ გაიანას ტერიტორიაზე მდებარეობს, ვენესუელის საზღვრის მახლობლად. წყლის დიდი რაოდენობა აქ 226 მეტრის სიმაღლიდან ნისლით დაფარულ უფსკრულში ეშვება

CC BY 2.0 / amanderson2 / Kaieteur Falls From Plane Guyana

7 / 12

გულფოსი მსოფლიოს ერთ-ერთი უდიდესი ჩანჩქერია. ჩანჩქერს უნიკალური ფორმა აქვს, მისი აუზი სამ დონედ და ორ კასკადად არის დაყოფილი. ზედა დონი სიმაღლე 11 მეტრია, ქვედასი - 21. ხეობის სიღრმე 70 მეტრს შეადგენს

CC BY 2.0 / César López / Gullfoss Waterfall

8 / 12

ჩანჩქერი საზერლენდი ერთ-ერთი უმაღლესი ჩანჩქერია. მისი სიმაღლე 580 მეტრია., ჩანჩქერი ახალი ზელანდიის ერთ-ერთ ყველაზე გამორჩეულ ადგილზე მდებარეობს - ფორდლენდის ეროვნული პარკის ტერიტორიაზე, რომელიც იუნესკოს მსოფლიოს მემკვიდრეობის სიაში შედის

CC BY-SA 2.0 / swifant / Sutherland Falls

9 / 12

იოსემიტის ჩანჩქერი კალიფორნიაში იგივე დასახელების ეროვნულ პარკში მდებარეობს. ეს ჩანჩქერი ჩრდილოეთ ამერიკის ერთ-ერთი უმაღლესი ჩანჩქერია და რიგით მე-20 მსოფლიოში. მისი სიმაღლე 739 მეტრია

CC BY-SA 2.0 / Pedro Szekely / Vernal Falls, Yosemite

10 / 12

პლიტვიცის ტბები - ხორვატიის ეროვნული პარკი. ჩანჩქერების ძირითადი ნაწილი განთავსებულია ზედა ტბებზე - ბატინოვაჩკი, გალოვაჩკი და კოზიაჩკი. ყველაზე ლამაზი და ცნობილი ჩანჩქერია სასტავცი, რომელზეც ორი მდინარის - კორანას და პლიტვიცას წყლები ერთად მოედინება 72 მეტრის სიმაღლიდან

CC BY 2.0 / Silviapef / Parque Nacional de Plitvice

11 / 12

ვერნალის ჩანჩქერი აშშ-ში, იოსემიტის ეროვნულ პარკში მდებარეობს. ეს საოცრება გარშემორტყმულია მთებითა და მთის მდინარეებით. ჩანჩქერი ვერნალი მდინარე მერსედის კალაპოტიდან წარმოიქმნა. მისი სიმაღლე 97 მეტრია

12 / 12

მალტნომას ჩანჩქერი მდინარე კოლუმბიას კანიონში მდებარეობს და ორეგონის შტატის ერთ-ერთი ყველაზე პოპულარული ადგილია ტურისტებში. ის შედის ქვეყნის ხუთი უმაღლესი ჩანჩქერის სიაში, რომლებიც არასდროს იყინებიან. ჩანჩქერი ორ მთავარ კასკადად მოედინება. პირველის სიმაღლე 165 მეტრია, მეორის - 21