„კანის ზედაპირი მკვდარი უჯრედების ფენითაა დაფარული, რომელიც მუდმივად შორდება კანს. სწორედ ცხიმისა და მკვდარი კანის ნაწილაკებითაა ამოვსებული ეს პატარ-პატარა მიკროფორები და ისინი ქმნიან ერთგვარ საცობებს, რასაც კომედონები ჰქვია. ისინი ყველაზე ხშირად ჩნდება შუბლის, ცხვირის და ნიკაპის არეში. კომედონებს გაჩენისთანავე სჭირდება ყურადღების მიქცევა და სათანადო მკურნალობა“, – ამბობს კოტე მათითაშვილი.
მათითაშვილის განცხადებით, დაუშვებელია შავი წერტილების დამოუკიდებლად, ფრჩხილებით ან ნემსის გამოყენებით გამოდევნა, რადგან ამ დროს შესაძლოა გახსნილი ფორებიდან ინფექცია შეიჭრას და ამან ანთებითი პროცესი გამოიწვიოს.