თბილისი, 20 მარტი — Sputnik. სამართალდამცველებმა ნარკოტიკული საშუალების და ცეცხლსასროლი იარაღის უკანონო შეძენა-შენახვისა და ტარების ბრალდებით თბილისში 33 წლის მამაკაცი დააკავეს, აღნიშნილია საქართველოს შინაგან საქმეთა სამინისტროს მიერ გავრცელებულ განცხადებაში.
სამართალდამცველებმა დაკავებულის პირადი ჩხრეკისას ნივთმტკიცების სახით ნარკოტიკული საშუალება „ბუპრენორფინი" და ცეცხლსასროლი იარაღი ამოიღეს.
გამოძიება სსკ-ის 260-ე მუხლის პირველი ნაწილით, ასევე 236-ე მუხლის მესამე და 236-ე მუხლის მეხუთე ნაწილით მიმდინარეობს, რაც ნარკოტიკული საშუალების უკანონო შეძენა-შენახვას და ცეცხლსასროლი იარაღის მართლსაწინააღდეგო შეძენა-შენახვა-ტარებას გულისხმობს. ჩადენილი დანაშაული 7 წლამდე ვადით თავისუფლების აღკვეთას ითვალისწინებს.