თბილისი, 14 მარტი — Sputnik. თურქეთის სასამართლომ ქართული საფეხბურთო კლუბი „ცხინვალის" ხუთი მოთამაშე, რომლებსაც ერთ-ერთი მაღაზიიდან ტანსაცმლის ქურდობა ედებოდათ ბრალად, სრულად გაამართლა, იუწყება ტელეკომპანია Imedi.
ქართველი ფეხბურთელები თურქეთში ტანსაცმლის ქურდობისთვის დააკავეს>>>
ფეხბურთელები, რომლებიც ანტალიის მახლობლად, საკურორტო ქალაქ ბელეკში სეზონისწინა შეკრებაზე იმყოფებოდნენ, მიმდინარე წლის თებერვალში დააკავეს. გამოძიების თავდაპირველი ვერსიით, სპორტსმენებმა ანტალიის სავაჭრო ცენტრში ერთ-ერთი სპორტული მაღაზიიდან ცხრა წყვილი ფეხსაცმელი და შორტები მოიპარეს.
მოგვიანებით სასამართლომ ფეხბურთელები გაუსვლელობის ხელწერილით გაათავისუფლა.
ქართველი ფეხბურთელები რამდენიმე დღეში დაბრუნდებიან სამშობლოში და ვარჯიშს ჩვეულ რეჟიმში გააგრძელებენ.