თბილისი, 8 მარტი – Sputnik. ჭავჭავაძის გამზირზე ავტომობილი ქვეითად მოსიარულეს დაეჯახა, იუწყება ტელეკომპანია Rustavi 2.
ავტოსაგზაო შემთხვევა თბილისში გუშინ, ღამით მოხდა.
თვითმხილველების ინფორმაციით, ქალი საზოგადოებრივი ტრანსპორტის გაჩერებასთან იდგა, რა დროსაც მაღალი სიჩქარით მოძრავი ავტომობილი დაეჯახა.
დაშავებული ქალი საავადმყოფოშია გადაყვანილი, მისი მდგომარეობა სტაბილურია.
მომხდარ ფაქტზე გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით აღიძრა.