ევროპის ქვეყნებში დიდი მარხვის წინ ტრადიციული ფესტივალები და სანახაობრივი კარნავალები იმართება. იხილეთ „Sputnik-საქართველოს“ ფოტოკადრები, თუ როგორ აღნიშნეს იტალიაში კარნავალი სახელწოდებით "ფორთოხლებით ბრძოლა".
იტალიის პატარა ქალაქ ივრეაში, რომელიც ტურინის პროვინციაში მდებარეობს, ყოველწლიურად იმართება კარნავალი "ფორთოხლებით ბრძოლა". ფორთოხლების შოუ ერთ-ერთი ყველაზე საინტერესო ღონისძიებაა დიდი მარხვის წინ.
ბრძოლა თებერვალში ან მარტში სამი დღის განმავლობაში მიმდინარეობს. კარნავალი გაზაფხულის დადგომისა და ადგილობრივების თავისუფლების სიმბოლოა.
ყოველწლიურად ტურისტები მთელი მსოფლიოდან ჩადიან იტალიაში, რათა მონაწილეობა მიიღონ კოსტიუმირებულ დღესასწაულში – ივრეულ კარნავალსა და ტრადიციულ "ფორთოხლების ბრძოლაში".