თბილისი, 4 მარტი - Sputnik. მთაწმინდაზე, ვეძინის ქუჩაზე მამაკაცმა დაკავების დროს პოლიციელების მისამართით ცეცხლი გახსნა, იუწყება Новости-Грузия შსს-ს პრესსამსახურზე დაყრდნობით.
უწყების მონაცემებით, პოლიციელები ცხელ კვალზე აკავებდნენ მამაკაცს, რომელიც ამავე რაიონში მომხდარ ყაჩაღური თავდასხმის საქმეში ფიგურირებდა.
შსს-ს ინფორმაციით, ორმხრივი სროლის შედეგად არავინ დაშავებულა. პოლიციელებმა ბრალდებულის დაკავება მაინც მოახერხეს.
კონკრეტულად რომელ ყაჩაღურ თავდასხმაში ფიგურირებს დაკავებული, ამის შესახებ ინფორმაცია არ ვრცელდება.
სისხლის სამართლის საქმე აღძრულია სსკ-ის 179 მუხლით (ყაჩაღობა), რაც 5-დან 7 წლამდე თავისუფლების აღკვეთას ითვალისწინებს.