თბილისელი კატები

არსებობს ქალაქები, რომლებიც ცნობილი გახდა იმით, რომ იქ ცხოვრობენ კატები. სტამბულს, მაგალითად, "კატების ქალაქს" უწოდებენ. ამის შესახებ მსგავსი დასახელების დოკუმენტური ფილმიც არსებობს. თუმცა თბილისში არანაკლებად არიან კატები ქუჩებში. იხილეთ Sputnik-საქართველოს ფოტოლენტაში თბილისელი კატების სურათები

კატები მსოფლიოში ერთ-ერთი ყველაზე პოპულარულები არიან, როგორც შინაური ცხოველები. მათ, როგორც ძაღლებს, ადამიანის მეგობარს უწოდებენ. შინაური კატების ისტორია 10 ათას წელზე მეტს ითვლის.

მეცნიერული თვალსაზრისით, კატა კატისებრთა ოჯახის, მტაცებელთა რიგის ძუძუმწოვარა ცხოველია. წარსულში კატას ხშირად განიხილავდნენ ცალკე ბიოლოგიურ სახეობად. თანამედროვე ბიოლოგიის თვალსაზრისით, შინაური კატა (Felis silvestris catus) ტყის კატის ქვესახეობაა (Felis silvestris)

კატები, მათ შორის შინაურებიც, კვლავ მტაცებლები არიან. ისინი ნადირობენ მღრღნელებზე, ფრინველებსა და პატარა ცხოველებზე. ეს არის ერთ-ერთი მიზეზი იმისა, თუ რატომ მიიპყრო ადამიანის ყურადღება ამ ცხოველმა. საკონტაქტოდ კატა ხმოვანი სიგნალების ფართო დიაპაზონს იყენებს, ასევე ფერომონებსა და სხეულის მოძრაობას.

ამ დროისათვის მსოფლიოში დაახლოებით 600 მილიონი შინაური კატაა. სპეციალისტებისათვის ცნობილია კატების დაახლოებით 200 ჯიში, როგორც გრძელბეწვიანები, ასევე უბეწვო ჯიშები.