თბილისი, 23 თებერვალი — Sputnik. ახმეტის მუნიციპალიტეტში ხანძრის შედეგად 71 წლის მამაკაცი დაიღუპა.
უბედური შემთხვევა სოფელ ზემო ალვანში გუშინ გვიან ღამით მოხდა, იტყობინება საზოგადოებრივი მაუწყებლის პირველი არხი.
ცეცხლი ცენტრში მდებარე სავაჭრო ობიექტების საყარაულო ჯიხურში გაჩნდა.
პირველადი ვერსიით, მამაკაცი გამათბობელზე დავარდა, რის შემდეგაც ცეცხლი შენობას მოედო.
ობიექტზე ხანძარი ლიკვიდირებულია. ადგილზე კრიმინალური პოლიცია და ექსპერტები მუშაობენ.