ანრი ჯოხაძე: მძღოლი მეუბნება, ისე როგორ უნდა გაგიშვა მანქანიდან, რომ განდაგანა არ გამღეროო

„მძღოლმა მანქანა რამდენჯერმე გააჩერა და იყვირა – შეხედეთ, ვინ მიზის! მეც ინგლისის დედოფალივით ვიქნევდი ხელს“, – იხსენებს ანრი ჯოხაძე.

ანრი ჯოხაძე – ქართველი მომღერალი, კომპოზიტორი, შოუმენი. 2000 წელს მან გრან-პრი დაიმსახურა საერთაშორისო კონკურსზე „რადუგა კავკაზა-2000“. გრან-პრი მიიღო ასევე კონკურსებში “ვარნა 2003” და „ასტანა 2004“. 2004 წელს ჯოხაძემ ჩინეთსა და რუმინეთში ჩატარებულ კონკურსებში მიიღო მონაწილეობა და ორჯერვე მეორე ადგილზე გავიდა.