ღირსეული გამარჯვება – ბორჯღალოსნები ესპანეთის ნაკრების წინააღმდეგ

საქართველოს რაგბის ეროვნულმა ნაკრებმა ევროპის ერთა თასის ფარგლებში თბილისში დაამარცხა ესპანეთის გუნდი ანგარიშით 22:10. იხილეთ „Sputnik-საქართველოს“ ფოტომასალაში შეხვედრის საუკეთესო სურათები.

ევროპის ერთა თასზე საქართველოს ნაკრებისთვის ეს გამარჯვება რიგით მეორეა. ერთი კვირის წინ "ბორჯღალოსნებმა" გასვლაზე უმთავრესი კონკურენტი – რუმინეთის ნაკრები დაამარცხეს ანგარიშით 18:9.

შემდეგ მატჩს ქართველი მორაგბეები 3 მარტს ბრიუსელში გამართავენ, სადაც ბელგიის ნაკრებს დაუპირისპირდებიან. შეხვედრა თბილისის დროით 18:00 საათზე დაიწყება.

1 / 15

ქართველმა მორაგბეებმა ევროპის ერთა თასზე მეორე გამარჯვება მოიპოვეს

2 / 15

საქართველოს ნაკრებმა ესპანეთის გუნდი დამაჯერებელი ანგარიშით - 22:10 დაამარცხა

3 / 15

თამაში თბილისში, ავჭალის სტადიონზე გაიმართა

4 / 15

შეხვედრა მილტონ ჰეიგის აღსაზრდელებმა დაიწყეს

5 / 15

შეხვედრაზე ქომაგებმა ტრიბუნები შეავსეს

6 / 15

მასპინძლები თავდაჯერებულად აკონტროლებდნენ თამაშს და რამდენიმე საშიში შეტევის შედეგად ესპანელების დაცვა გაარღვიეს კიდეც

7 / 15

მიუხედავად იმისა, რომ ესპანელებმა ბორჯღალოსნებს სერიოზული წინააღმდეგობა გაუწიეს, მათ ვერ შეძლეს ქართველი სპორტსმენების შეჩერება

8 / 15

შეხვედრაში თავი გამოიჩინეს დავით გიგაურმა და თედო აბჟანდაძემ

9 / 15

ტაიმის შუაში სტუმრებმა მდგომარეობა გაიუმჯობესეს, თუმცა სტივ ბარნსის შეტევა გარდასახვით არ დასრულებულა. ანგარიში გახდა 7:5

10 / 15

უნდა აღინიშნოს, რომ ამ დღეს ორივე გუნდის სპორტსმენებს გაუჭირდათ გარდასაცვის შესრულება. დარჩენილ დროში გულშემატკივრებმა კიდევ ოთხი წარმატებული შეტევა იხილა (სამი საქართველოს ნაკრების მხრიდან და ერთი ესპანეთის), თუმცა არცერთი მათგანი არ გაგრძელებულა გარდასახვით

11 / 15

შესვენებაზე გასვლისას ანგარიში იყო 12:5. პირველი ტაიმის ბოლო ლელო ლევან ჩილაჩავამ დადო

12 / 15

შეხვედრის მეორე ნახევარში ესპანელებმა უფრო აგრესიული თამაში დაიწყეს და თამაში ძირითადად მასპინძლების ნახევარზე მიმდინარეობდა. თუმცა, თამაშის უხეში სტილი სტუმრებს არ გამოადგათ, რომელთა შემადგენლობიდან ორი მოთამაშე გააძევეს

13 / 15

ორი მოთამაშის დაკარგვის შემდეგ, ესპანელები ფაქტიურად დანებდნენ და ბორჯღალოსნებს ორი ლელოს დადების საშუალება მისცეს, რომელტა ავტორებიც არიან ვასილ ლობჟანიძე და გრიგოლ ქერდიყოშვილი

14 / 15

საქართველოს ნაკრებისთვის ეს გამარჯვება ევროპის ერთა თასის ფარგლებში უკვე მეორე. ერთი კვირით ადრე ბორჯღალოსნებმა გასვლაზე დაამარცხეს საკუთარი ძირიტადი კონკურენტი - რუმინეთის ნაკრები, ანგარიშით 18:9

15 / 15

შემდეგ მატჩს ქართველი მორაგბეები 3 მარტს ბრიუსელში გამართავენ, სადაც ბელგიის ნაკრებს დაუპირისპირდებიან. შეხვედრა თბილისის დროით 18:00 საათზე დაიწყება