თბილისის ცენტრში, ბაზრობა "ქალაქის გულის" ტერიტორიაზე მეორადი ტანსაცმლის საწყობში ხანძარი გაჩნდა. იხილეთ „Sputnik-საქართველოს“ ფოტოკადრები, თუ როგორ აქრობდნენ ცეცხლს მეხანძრეები.
თბილისის რკინიგზის სადგურის მახლობლად, "ქალაქის გულის" ტერიტორიაზე ხანძრის ჩასაქრობად ათობით მეხანძრე გავიდა.
შემთხვევის შედეგად 250 კვადრატულ მეტრზე მეტი ფართობი განადგურდა. ხანძრის კერის ლიკვიდაციაში მეხანძრე-მაშველთა 16 ბრიგადა მონაწილეობდა და 10-ზე მეტი სპეცტექნიკა გამოიყენებოდა.
ამ დროისათვის თევდორე მღვდლის ქუჩაზე გაჩენილი ხანძარი უკვე ლოკალიზებულია.