სპორტის არაოლიმპიურ სახეობებში 2018 წლის საქართველოს საუკეთესო სპორტსმენების დაჯილდოების ცერემონია ნამდვილად სანახაობრივი და საზეიმო იყო. იხილეთ „Sputnik-საქართველოს“ ფოტოკადრები, როგორ გაიმართა ღონისძიება, რომელიც ბოლო წლებში ტრადიციად იქცა.
ცერემონიის ორგანიზატორი იყო პირველი და ერთადერთი სპორტული რადიო JAKO FM. ქართველი სპორტული ჟურნალისტები სპორტის არაოლიმპიურ სახეობებში ქვეყნის საუკეთესო ფედერაციებს ავლენდნენ, შემდეგ კი თავად ფედერაციები ასახელებდნენ საუკეთესო სპორტსმენებს.
სპორტის არაოლიმპიურ სახეობებში საქართველოს 2018 წლის საუკეთესო სპორტსმენად სთრონგმენი კოტე ჯანაშია დასახელდა. მეორე და მესამე ადგილებზე, შესაბამისად, ლევან გორგოძე (სუმოს ეროვნული ფედერაცია) და ლევან საღინაშვილი (არმრესლინგის ეროვნული ფედერაცია) გავიდნენ.