თბილისი, 20 იანვარი - Sputnik. ბათუმში ავტოსაგზაო შემთხვევის შედეგად ქვეითად მოსიარულე ქალი დაშავდა, იუწყება ქართული მედია.
ავტოსაგზაო შემთხვევა ბათუმში, ბარათაშვილის ქუჩაზე მოხდა. გავრცელებული ინფორმაციით, მსუბუქი ავტომობილი ფეხით მოსიარულე ქალს დაეჯახა.
დაშავებული სასწრაფო-სამედიცინო დახმარების ბრიგადამ რეფერალურ საავადმყოფოში გადაიყვანა. ექიმების განცხადებით, ქალს დაზიანება გულმკერდის არეში აღენიშნება.
ადგილზე მობილიზებულები იყვნენ სასწრაფო-სამედიცინო დახმარების ბრიგადები და საპატრულო პოლიციის ეკიპაჟები.