თბილისმა ცხოვრების დონით რომი და ჰონგ-კონგი ჩამოიტოვა

თბილისი, 15 იანვარი — Sputnik. საქართველოს დედაქალაქი რეიტინგში „ცხოვრების დონის ინდექსი 2019" მსოფლიოს 226 ქალაქს შორის 172-ე ადგილზე განთავსდა, მონაცემები კვლევითმა პორტალმა Numbeo-მ გამოაქვეყნა.

ასე რომ, საქართველომ საკუთარი პოზიციები 37 ერთეულით გაიუარესა. 2018 წლის ინდექსში თბილისი 135-ე ადგილზე იყო.

ამჯერად რეიტინგში საქართველოს მეზობლები არიან ინდური გურგაონი (171-ე ადგილი) და სანტიაგო (173-ე ადგილი, ჩილე).

საქართველოს მეზობელი სახელმწიფოებიდან თბილისს თურქეთის სამმა ქალაქმა გაუსწრო - ბურსამ (90-ე ადგილი), იზმირმა (138-ე ადგილი) და ანკარამ (149-ე ადგილი).

საქართველო საუკეთესო ბიზნეს-გარემოს მხრივ ქვეყნების ექვსეულში შევიდა>>>

რაც შეეხება რუსეთს, ცხოვრების დონით საუკეთესო ნიჟნი ნოვგოროდი (109-ე ადგილი) აღმოჩნდა. სანქტ-პეტერბურგი რეიტინგის 182-ე ადგილზეა, მოსკოვი კი 191-ე ადგილზე აღმოჩნდა.

თბილისმა გაუსწრო აგრეთვე აზერბაიჯანის დედაქალაქ ბაქოს (197-ე ადგილი), თუმცა დაუთმო ერევანს (167-ე ადგილი).

ცხოვრების დონით საუკეთესო ქალაქების ხუთეულში შევიდა კანბერა (კანადა), ეინდჰოვენი (ნიდერლანდები), ამერიკული ქალაქი როლი, ადელაიდა (ავსტრალია) და ციურიხი (შვეიცარია).

რომს (იტალია) 180-ე, ჰონგ-კონგს (ჩინეთი) კი 196-ე ადგილი ერგო.

რეიტინგის აუტსაიდერები გახდნენ მანილა (ფილიპინები), პეკინი (ჩინეთი), დაკა (ბანგლადეში), ლაგოსი (ნიგერია) და კარაკასი (ვენესუელა).

Numbeo-ს ექსპერტებმა ქალაქების რეიტინგი ცხოვრების ხარისხის მიხდევით შეადგინეს, რომელიც რვა ინდექსს ეყრდნობოდა: მოსახლეობის მსყიდველობითი უნარი, უსაფრთხოება, ჯანდაცვა, ცხოვრების ღირებულება, ფასების თანაფარდობა მოსახლეობის შემოსავლებსა და უძრავ ქონებას შორის, სატრანსპორტო დატვირთულობა, გარემოს დაბინძურება, კლიმატი.

საქართველოს ქულები სხვადასხვა ინდექსებში