თბილისი, 13 იანვარი — Sputnik. შინაგან საქმეთა სამინისტროს თანამშრომლებმა თბილისში 27 წლის მამაკაცი ქურდობის მცდელობის ფაქტზე დააკავეს, ნათქვამია უწყების მიერ გავრცელებულ განცხადებაში.
ბრალდებული წარსულში ქურდობისთვის არის ნასამართლევი.
„გამოძიებით დადგინდა, რომ ბრალდებულმა რვა იანვარს ვარკეთილში, სხვისი ნივთის ფარულად დაუფლების მიზნით, ავტომობილის საქარე მინა დააზიანა და მანქანის სალონში შეღწევას ცდილობდა, რა დროსაც სამართალდამცველებმა დააკავეს“, - ნათქვამია განცხადებაში.
გამოძიება დაწყებულია სსკ-ის 19-117-ე მუხლით, რაც ქურდობის მცდელობას გულისხმობს.