თბილისი, 10 იანვარი — Sputnik. გორში ბუნებრივი აირის ნამწვით დედა და ორი მცირეწლოვანი ბავშვი მოიწამლნენ, იუწყება ტელეკომპანია Imedi.
სასწრაფო-სამედიცინო დახმარების ბრიგადამ სამივე გორის სამხედრო ჰოსპიტალში გადაიყვანა.
დედა და ერთ-ერთი მცირეწლოვანი ბავშვი მალევე გაწერეს, მეორე კი ამ დრომდე სამედიცინო დაწესებულებაში რჩება. ექიმების თქმით, მის სიცოცხლეს საფრთხე არ ემუქრება.
გამოძიება საქართველოს სსკ-ის 240 პრიმა მუხლის 1-ლი ნაწილით მიმდინარეობს, რაც გულისხმობს ელექტრო- ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას, რასაც მოჰყვა ჯანმრთელობის ნაკლებად მძიმე ან მძიმე დაზიანება და ისჯება თავისუფლების აღკვეთით ვადით ორ წლამდე.