თბილისი, 7 იანვარი - Sputnik. ავლაბარში, ღვინის აღმართზე საპატრულო პოლიციის ავტომობილს ცეცხლი გაუჩნდა და დაიწვა, იუწყება ტელეკომპანია Imedi.
გავრცელებული ინფორმაციით, ცეცხლი მოძრავ ავტომობილს გაუჩნდა. შემთხვევის შედეგად არავინ დაშავებულა.
ჯერჯერობით, ცეცხლის გაჩენის ზუსტი მიზეზი უცნობია. წინასწარი ინფორმაციით, აალება ელექროგაყვანილობის გაუმართაობამ გამოიწვია.
შემთხვევის ადგილზე სახანძრო-სამაშველო ბრიგადადები იყო მობილიზებული.
მომხდარზე გამოძიება საქართველოს სსკ-ის 187-ე მუხლის მეორე ნაწილით დაიწყო, რაც ცეცხლის წაკიდებით ნივთის დაზიანებას, ან განადგურებას გულისხმობს და სასჯელის სახით ითვალისწინებს თავისუფლების აღკვეთას ვადით სამიდან ხუთ წლამდე.