თბილისი, 10 დეკემბერი — Sputnik. იუსტიციის სამინისტროს სპეციალური პენიტენციური სამსახურის ყოფილი უფროსი, ზვიად მიხანაშვილი დაჭრეს, იუწყება საზოგადოებრივი მაუწყებლის პირველი არხი.
შემთხვევა წყნეთში, ერთ-ერთ რესტორანში მოხდა.
ზვიად მიხანაშვილი ამ დრომდე საავადმყოფოში რჩება.
მიხანაშვილთან ერთად დაჭრილია კიდევ ორი პირი.
გავრცელებული ინფორმაციით, სამივე მათგანი ყოფილმა პატიმარმა დაჭრა.
ფაქტზე გამოძიება სსკ-ის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
უწყების ინფორმაციით, დადგენილია სავარაუდო დამნაშავე და მის დასაკავებლად საგამოძიებო მოქმედებები მიმდინარეობს.