თბილისი, 7 დეკემბერი - Sputnik. ზუგდიდში, ხუბულავას ქუჩაზე, საპატრულო პოლიციის მიმდებარე ტერიტორიაზე ჩხოროწყუს პოლიციის თანამშრომლის, ალექსანდრე ჩიქოვანის ცხედარი იპოვეს, იუწყება ტელეარხი „იმედი“.
სავარაუდოდ, ჩიქოვანს სამარშუტო ტაქსი დაეჯახა. საავადმყოფოში მიყვანისას ის უკვე გარდაცვლილი იყო.
ზუგდიდის რეფერალური საავადმყოფოს კლინიკური დირექტორის, სულხან ორჟონიას განმარტებით, გვამს მძიმე დაზიანებები აღენიშნება.
მომხდართან დაკავშირებით დაწყებულია გამოძიება.