თბილისი, 26 ნოემბერი – Sputnik. ქართველმა სუმოისტმა ლევან გორგაძემ - ტოჩინოშინმა სეზონზე ყველაზე მეტი მოპოვებული გამარჯვებისთვის სპეციალური პრიზი მიიღო, იუწყება ტელეკომპანია Imedi.
მიმდინარე სეზონის ექვს ბაშოში ტოჩინოშინმა 54 გამარჯვება მოიპოვა და 28-ჯერ წააგო. დასკვნით ტურნირზე ქალაქ ფუკუოკაში გორგაძემ რვა გამარჯვება მოიპოვა და შვიდჯერ წააგო. ბაშოს შედეგებით ტოჩინოშინი მინიმალურ კატიკოსის დასჯერდა - გამარჯვებების უმრავლესობას.
გორგაძისათვის საუკეთესო ბაშო გახდა იანვრის ტურნირი, რომელშიც ტოჩინოშინმა გაიმარჯვა (14:1) და პირველი ქართველი სუმოისტი გახდა, რომელმაც იმპერატორის თასი მოიპოვა.
ამავე წლის გაზაფხულზე ტოჩინოშინს მიენიჭა სუმოში მეორე იერარქიული წოდება - ის ოძეკი გახდა. გადაწყვეტილება სუმოს იაპონური ასოციაციის დირექტორთა საბჭომ მიიღო. გორგაძე ისტორიაში მესამე ევროპელი გახდა, რომელმაც ოძეკის წოდება მოიპოვა.