საქართველომ რუსეთს ინტერპოლის მიერ ძებნილი პირი გადასცა

საქართველოდან რუსეთში ექსტრადირებულ პირს 7 წლამდე პატიმრობა ემუქრება
Sputnik

თბილისი, 24 ნოემბერი – Sputnik. საქართველომ რუსეთს გადასცა რუსეთის მოქალაქე, რომელსაც პერმის მხარეში ხე-ტყის უკანონო ჭრა ედება ბრალად, ნათქვამია რუსეთის შსს-ს ვებგვერდზე გავრცელებულ განცხადებაში.

რუსი ჰაკერი საქართველოში თავშესაფარს ითხოვს >>

კანონსაწინააღმდეგო საქმიანობით მიყენებულმა ზარალმა 30 მილიონი რუბლი შეადგინა.

რუსეთი საქართველოს ძმები გლუშკოვების გადაცემას სთხოვს

„რუსეთში საქართველოდან ექსტრადირებულია 53 წლის მამაკაცი, რომელიც უკანონო შემოსავლის მიღების მიზნით ხე-ტყის უკანონო მოჭრის ბრალდებით იძებნება“, - განაცხადა სამინისტროს ოფიციალურმა წარმომადგენელმა ირინა ვოლკმა.

ბრალდებული ინტერპოლის ხაზით იძებნებოდა.

„ოპერატიული ღონისძიებების შედეგად ფიგურანტი საქართველოს ტერიტორიაზე დააკავეს და დღეს ის რუსეთის შსს-ს ინტერპოლის ბიუროს თანამშრომლების თანხლებით მოსკოვში ჩამოიყვანეს“, - აღნიშნა ვოლკმა.

სისხლის სამართლის საქმე განსაკუთრებით დიდი ოდენობით ხე-ტყის უკანონო მოჭრის მუხლით იყო აღძრული. დაკავებულს 7 წლამდე პატიმრობა ემუქრება.