გაბრიელ სალოსის ქუჩაზე მდებარე საცხოვრებელ კორპუსში ჩატარებული ანტიტერორისტული ოპერაციის კვალი ჯერ კიდევ შეიმჩნევა. იხილეთ „Sputnik-საქართველოს“ ფოტომასალა, თუ როგორ გამოიყურება სახლი, რომელშიც ნამდვილი ომი მიმდინარეობდა.
ტერორისტ ახმედ ჩატაევისა და მისი თანამზრახველების დაკავების სპეცოპერაცია 2017 წლის 21 ნოემბრის საღამოს დაიწყო და მომდევნო დღესაც გაგრძელდა.
მოვლენები ბერი გაბრიელ სალოსის ქუჩაზე ვითარდებოდა. ტერორიზმში ბრალდებულები თითქმის ერთი დღე-ღამის განმავლობაში უწევდნენ წინააღმდეგობას სპეცდანიშნულების რაზმს, ისროდნენ იმ სახლის ფანჯრებიდან, სადაც ისინი იყვნენ გამაგრებული.
სპეცოპერაცია იბრაჰიმ ადაშევისა და ასლანბეგ სოლტახმადოვის ლიკვიდაციით დასრულდა, ახმედ ჩატაევმა კი თავი აიფეთქა. ანტიტერორისტული ოპერაციის მსვლელობისას სამართალდამცველებმა შეძლეს შოაიპ ბორზიევის ცოცხლად აყვანა.
ბრძოლის დროს დაიღუპა ერთი სპეცრაზმელი, დაშავდა სპეცსამსახურების ოთხი თანამშრომელი. საქართველოს სახელმწიფო უსაფრთხოების სამსახურის ინფორმაციით, საქმის ფიგურანტები საქართველოში და თურქეთში დიპლომატიური მისიების წინააღმდეგ ტერაქტებს გეგმავდნენ.