თბილისი, 5 ნოემბერი — Sputnik. ოთხი ადამიანი დააკავეს სამართალდამცველებმა მარნეულის ერთ–ერთი საჯარო სკოლის გაქურდვის ფაქტზე, იუწყება შინაგან საქმეთა სამინისტროს პრესსამსახურის ვებგვერდი.
ბრალდებულთა ასაკი 24 წლიდან 16 წლამდე მერყეობს.
გამოძიების ინფორმაციით, დაკავებულებმა მიმდინარე წლის 3 ნოემბერს მარნეულის N8 საჯარო სკოლიდან სხვადასხვა სახის ტექნიკა მოიპარეს.
სამართალდამცველებმა ნაქურდალი ნივთები ნივთმტკიცების სახით ამოიღეს.
გამოძიება ქურდობის ფაქტზე მიმდინარეობს, საქართველოს სსკ-ს 177-ე მუხლის მე-2 ნაწილის „ა“ და „ბ“ ქვეპუნქტებით.
ჩადენილი დანაშაული 3-დან 5 წლამდე ვადით თავისუფლების აღკვეთას ითვალისწინებს.