თბილისი, 27 ოქტომბერი - Sputnik. თბილისს ესტუმრა პოპულარული რუსი შემსრულებელი, მუსიკალური პროდიუსერი და მეწარმე ტიმატი - ფოტო ლეღვთახევის ფონზე არტისტმა საკუთარ Instagram-ზე ატვირთა.
ტიმატის მრავალრიცხოვანი ფანები მაშინვე დაინტერესდნენ, მოასწრო თუ არა მომღერალმა ხინკლისა და კუბდარის გასინჯვა ან გოგირდის აბანოების დათვალიერება. ხოლო უფრო თავგამოდებული ფანები ეკითხებიან თავიანთ კუმირს, სად შეიძლება მისი გამოჭერა.
ზოგიერთები კი ტიმატის ვიზიტს თბილისში სწრაფი კვების რესტორნების ქსელის ახალი ფილიალის Blackstar Burger Tbilisi-ის გახსნას უკავშირებენ. ეს ქსელი ტიმატის ეკუთვნის.
ტიმატი (ტიმურ იუნუსოვი) ჰიპ-ჰოპის რუსი შემსრულებელი და მუსიკალური ლეიბლის Black Star Inc. თანადამფუძნებელია. ის რუსული მუსიკალური პრემიების არაერთგზის გამარჯვებულია. 2014 წელს მიიღო საერთაშორისო დონის პრემია World Music Awards (Best Russian Artist, Best R'n'B Artist Of Russia).
აღსანიშნავია, რომ ტიმატი თბილისში 2009, 2012 და 2015 წლებშიც არის ნამყოფი.