პარასკევს საქართველოში ამინდმა გაუარესება დაიწყო — ჰაერის ტემპერატურა ერთ დღეში 10 გრადუსით დაეცა. როგორც აღმოსავლეთ, ისე დასავლეთ საქართველოში მოვიდა ნალექი, მაღალ მთებში — თოვლის სახით.
როგორი ამინდი იქნება კვირას, 28 ოქტომებრს საქართველოში - საპრეზიდენტო არჩევნების დღეს
აღმოსავლეთ საქართველოში
სინოპტიკოსების პროგნოზით, აღმოსავლეთ საქართველოს ზოგ რაიონში მოსალოდნელია მცირე ნალექი და ნისლი. დაუბერავს 10-15 მ/წმ სიმძლავრის ქარი, რომელიც დროდადრო 17-22 მ/წმ-მდე გაძლიერდება.
დაბლობში ჰაერის ტემპერატურა ღამით იქნება პლუს 3 გრადუსი, ხოლო დღისით პლუს 18 გრადუსი.
მაღალ მთაში მოსალოდნელია მინუს 6 გრადუსი სიცივე ღამით, ხოლო დღისით — პლუს 9 გრადუსი სითბო.
დასავლეთ საქართველოში
დასავლეთ საქართველოში კვირას ძირითადად მზიანი ამინდი იქნება. დაუბერავს 10-15 მ/წმ სიმძლავრის ქარი, რომელიც დროდადრო 17-22 მ/წმ-მდე გაძლიერდება.
ღამით დაბლობში ჰაერის ტემპერატურა მინუს ექვს გრადუსამდე დაეცემა, ხოლო დღისით პლუს 23 გრადუსამდე აიწევს.
მაღალ მთაში ღამით მინუს 8 გრადუსი იქნება, დღისით კი — პლუს 14 გრადუსი.
ამინდი თბილისში
თბილისში კვირას მზიანი ამინდია მოსალოდნელი, უნალექოდ. დაუბერავს 10-15 მ/წმ სიმძლავრის ქარი.
ღამით ჰაერის ტემპერატურა პლუს 7 გრადუსს შეადგენს, ხოლო დღისით პლუს 18 გრადუსამდე გათბება.