„ხასანბეგურას სხვადასხვა ვარიანტები არსებობს და მე მისი ხუთი მობრუნება ერთ ღამეში ვისწავლე“- ამბობს ჯემალ ჭკუასელი სატელევიზიო გადაცემაში.
ჯემალ ჭკუასელი - მომღერალი, საქართველოს სახალხო არტისტი, ხელოვნების დამსახურებული მოღვაწე. 1976-1979 წლებში საქართველოს ხალხური სიმღერისა და ცეკვის სახელმწიფო ანსამბლის მომღერალი იყო. 1979-1986 წლებში- ქუთაისის სიმღერისა და ცეკვის სახელმწიფო ანსამბლის დირექტორი, სამხატვრო ხელმძღვანელი, მთავარი დირიჟორი; 2015 წელს მიენიჭა "ხელოვნების ქურუმის" წოდება. 2016 წელს თბილისის საპატიო მოქალაქე გახდა.