პირველ ოქტომბერს არქიტექტურის დღე აღინიშნება. იხილეთ Sputnik-საქართველოს ფოტოლენტაში მსოფლიოს უჩვეულო ნაგებობების სურათები
მოგზაურები სხვადასხვა ქალაქებში, ძველი ღირსშესანიშნაობების გარდა, ახალი შენობებითაც ინტერესდებიან. თანამედროვე არქიტექტორები ხოლმე ერთმანეთთან შეჯიბრებაში უფრო და უფრო წარმოუდგენელ და შთამბეჭდავ კონსტრუქციებს ქმნიან.
1 / 7
უჩვეულო საცხოვრებელი კომპლექსი როტერდამსა და ჰელმონდში 1984 წელს აშენდა. კონცეფციის თანახმად, ყოველი ნაგებობა აბსტრაქტული ხის სიმბოლოა, ხოლო მთელი კომპლექსი - ერთგვარი ტყე
CC0 / Pixabay /
2 / 7
ერთ-ერთი ორიგინალურ იშენობა მოსკოვში არქიტექტორ სერგეი ტკავჩენკოს პროექტის მიხედვით აშენდა. მისი პროტოტიპი საშობაო ფაბერჟეს კვერცხი იყო. სახლის ფართი 342 კვადრატულ მეტრს შეადგენს. შენობაში არის ხუთი საავტორო დიზაინის მქონე ოთახი
© photo: Sputnik / Valery Mel'nikov
3 / 7
ეს საოფისე შენობა 1996 წელს აიგო და მას შემდეგ ერთ-ერთი ყველაზე პოპულარული შენობაა ჩეხეთის დედაქალაქში. კომპლექსი დეკონსტრუქტივიზმის სტილში შექმნეს არქიტექტორებმა ვლადო მილუნიჩიმ და ფრენკ გერიმ. სახლი ორი ცილინდრისებური კოშკისგან შედგება, რომლებიც მოცეკვავე წყვილის სიმბოლოს გამოსახავს
4 / 7
ფეხსაცმლის ფორმის სახლი 1949 წელს ფეხსაცმლის მაგნატმა მეილონ ჰეინსმა ააშენა პენსილვანიაში. შენობა მაღალი ფეხსაცმლის მიხედვით ქმნიდნენ, რომელიც ხის კონსტრუქციის მქონეა და გამყარებულია რკინა-ბეტონით. ამ სახლში ხუთი სართულია სამი საძინებლით, ორი აბაზანით, სამზარეულოთი და სასტუმრო ოთახით
5 / 7
სასტუმრო "კარელიას" თექვსმეტ სართულიანი ტიპური შენობა 1980-იან წლებში აიგო, რომელიც მოგვიანებით უნიკალურ არტ-ობიექტად იქცა და გინესის რეკორდების წიგნშიც მოხვდა მოხატული ფასადის წყალობით. 15 ათას კვადრატული მეტრზე ორი ჩემოდნის სამგანზომილებიანი გამოსახულების შექმნაზე ადგილობრივმა მხატვრებმა დაახლოებით ათი ათასი ლიტრი საღებავი გამოიყენეს
© photo: Sputnik / Alexander Dyamchuk
6 / 7
სპირალისებური საცხოვრებელი კომპლექსი დარმშტატში ავსტრიელმა მხატვარმა ფრიდენსრაიხ ჰუნდერტვასერმა ააშენა. შენობას სახურავზე აქვს ბაღი და მოიცავს 105 საცხოვრებელ ბინას, თითოეული მათგანი გამორჩეულია. ფასადი ფერადი კერამიკული კოლონებითაა მორთული, ხოლო სახლში არ არის სწორი და კუთხოვანი კედლები
CC0 / Pixabay /
7 / 7
კუნსტჰაუსი ქალაქ გრაცში - მუზეუმი, ტანამედროვე ხელოვნების გალერეა, რომელიც 2003 წელს გაიხსნა პროგრამის "ევროპის კულტურული დედაქალაქი" ფარგლებში. შენობის კონცეპტი ლონდონელმა არქიტექტორებმა, პიტერ კუკმა და კოლინ ფურნიემ შეიმუშავეს. შენობის ფორმა უჩვეულოა, მუზეუმის შენების დროს გაჩნდა ინოვაციური იდეები. შენობის ჩონჩხი რკინა-ბეტონისაა, ფასადი კი ლურჯი პლასტიკური დაფებითაა გაფორმებული. ფასადზე განთავსებულია მედია-ინსტალაცია, რომელიც მანათობელი ელემენტებისგან და კომპიუტერებისგან შედგება. შენობის ფართი დაახლოებით 900 კვადრატული მეტრია