შიომღვიმის მონასტერი: საქართველოს ღირსშესანიშნაობები

შიომღვიმის მონასტერი მცხეთიდან 9 კილომეტრში, მთებშია აგებული. იხილეთ „Sputnik–საქართველოს“ ფოტომასალაში ამ ისტორიული ძეგლის სურათები.

მონასტერი ზღვის დონიდან 750 მეტრის სიმაღლეზე მდებარეობს. ის 560 წელს თორმეტ ასურელ მამათაგან ერთ-ერთმა – შიომ ააგო. დღეისათვის ეს მონასტერი საქართველოში ერთ-ერთი ყველაზე ცნობილია.

1 / 12

შიომღვიმის სამონასტრო კომპლექსი 750 მეტრის სიმაღლზე მდებარეობს. ის ასურელმა წმინდანმა შიომ 560 წელს ააგო

2 / 12

მცხეთიდან მონასტრის მიმართულებით 9 კილომეტრის სიგრძის ვიწრო გზა მიდის. ფოტოზე - იოანე ნათლისმცემლის ტაძარი, რომელიც 560-580 წლებში აიგო. მიიჩნევა, რომ შიომ თავად აირჩია ტაძრისათვის ადგილი

3 / 12

შიო მღვიმელი მონასტრის ტერიტორიაზე გარდაიცვალა. მისი ნეშტი ამავე ტაძარში ინახებოდა, თუმცა საბჭოთა კავშირის დროს ის დაწვეს, ჩვენამდე კი სულ მცირედმა ნაწილმა მოაღწია, რომელიც დღეს სამთავროს ტაძარში ინახება

4 / 12

ფოტოზე მარჯვნივ წმინდა ევაგრის შიომღიმელის ჭაა, რომელიც შიოს მიმდევარი იყო. ნაგებობის ჭერი ცოტა ხნის წინ აღადგინეს

5 / 12

ჩვენი ვიზიტისას იოანე ნათლისმცემლის ტაძარი უკვე დაკეტილი იყო. ამბობენ, რომ მასში მოხვედრა შესაძლებელია სამრეკლოდან ,რომელიც 1733 წელს გივი ამილახვარმა ააგო

6 / 12

წმინდა შიოს ჭა იოანე ნათლისმცემლის ტაძართან იყო ამოთხრილი

7 / 12

მოგვიანებით იოანე ნათლისმცემლის ტაძართან სხვადასხვა ნაგებობები აიგო, რის შედეგადაც ჭა ტაძრის შიგნით აღმჩნდა

8 / 12

იოანე ნათლისმცემლის ტაძარი საქართველოში ერთ-ერთი პირველი გუმბათიანი ნაგებობაა. ნახევარი საუკუნის შემდეგ აიგო უფრო რთული ტაძარი ჟვარი, შემდეგ კი - ატენის სიონი

9 / 12

მეორე დიდი ნაგებობა შიომღვიმის მონასტრის ტერიტორიაზე ღვთისმშობლის ტაძარია, რომელიც დაახლოებით 1100 წელს დავით აღმაშენებლის ბრძანებით აშენდა. მონასტერს თავიდან ჰქონდა გუმბათი, თუმცა 1614 წელს შაჰ-აბასის შემოსევის შედეგად ტაძარი დაინგრა. ნახევარი საუკუნის შემდეგ მონასტერი ბაზილიკურ სტილში აღადგინეს

10 / 12

ღვთისმშობლის ტაძარი შიგნიდან გაცილებით შთამბეჭდავია. ეკლესიის კედლებზე კარგადაა შემონახული უძველესი წარწერები და ხატები

11 / 12

ორი ტაძრის გარდა ტერიტორიაზე რამდენიმე სხვა ნაგებობაც დგას

12 / 12

ყველა ნაგებობა ტერასული პრინციპითაა ნაშენები, რადგან მონასტერი მთის ციცაბო ფერდობზე აიგო