თბილისი, 1 ოქტომბერი — Sputnik. საქართველოში დღეიდან ავტოსატრანსპორტო საშუალებების პერიოდული ტექნიკური ინსპექტირების მესამე ეტაპი ამოქმედდა.
ეკონომიკისა და მდგრადი განვითარების სამინისტროს ინფორმაციით, ამ ეტაპზე ტექნიკური დათვალიერება სავალდებულო ხდება ფიზიკური პირების საკუთრებაში არსებული მსუბუქი კატეგორიის ყველა იმ ავტოსატრანსპორტო საშუალებისთვის, რომელთა ძრავის მოცულობა 3 000 კუბური სმ ან მეტია.
ტექინსპექტირებისას ავტომობილებს შემდეგი კრიტერიუმებით შეამოწმებენენ:
- სამუხრუჭო აღჭურვილობა;
- საჭით მართვის სისტემა;
- ხილვადობა;
- ფარები, შუქამრეკლები და ელექტრომოწყობილობა;
- ღერძები, თვლები, საბურავები და დაკიდება;
- შასი და მისი შემადგენლები;
- სხვა მოწყობილობები;
- გარემოზე უარყოფითი ზემოქმედება.
ტექდათვალიერების ბოლო ეტაპზე – 2019 წლის 1 იანვრიდან ტექნიკური ინსპექტირება სავალდებულო გახდება საქართველოში დარეგისტრირებული აბსოლუტურად ყველა მსუბუქი ავტომობილისთვის.