თბილისი 30 სექტემბერი - Sputnik. მსოფლიოს საუკეთესო ქალ მოჭადრაკედ „ფიდე-მ“ სწრაფ ჭადრაკში მოქმედი მსოფლიო ჩემპიონი ნანა ძაგნიძე დაასახელა და მას „კაისას“ თასი გადაეცა, იუწყება საქართველოს ჭადრაკის ფედერაცია.
„კაისას თასი“ ყოველწლიური ჯილდოა, რომელიც ყოველ გაზაფხულზე გასული წლის საუკეთესო მოთამაშეს გადაეცემა. მოჭადრაკე, რომელსაც 2300-ზე მეტი სარეიტინგო ქულა აქვს და 10-ზე მეტი სარეიტინგო შეხვედრა ითამაშა, გზავნის აპლიკაციას, რომლითაც ჯილდოზე საკუთარ თავს წარადგენს.
გარდა ამისა ნანა ძაგნიძე ასევე არის ევროპის ჩემპიონი პირად ჩათვლაში (2017), ოლიმპიური ჩემპიონი გუნდურ (2008) და პირად ჩათვლაში (2014).