თბილისი, 23 სექტემბერი — Sputnik. შინაგან საქმეთა სამინისტრომ მიცკევიჩის ქუჩაზე მომხდარი დაჭრის ფაქტი ცხელ კვალზე გახსნა, ნათქვამია უწყების ვებ–გვერდზე გავრცელებულ განცხადებაში.
უწყების ინფორმაციით, დაკავებულია 1976 წელს დაბადებული ერთი პირი, რომელმაც დღეს მიცკევიჩის ქუჩაზე მდებარე ერთ-ერთი საცხოვრებელი კორპუსის სადარბაზოში ცეცხლსასროლი იარაღით 1979 წელს დაბადებული მამაკაცი დაჭრა და შემთხვევის ადგილიდან მიიმალა.
გავრცელებული ინფორმაციით, სასწრაფო-სამედიცინო დახმარების ბრიგადამ დაჭრილი საავადმყოფოში გადაიყვანა, რომელსაც ამ დროისთვის რეგიონულ ჰოსპიტალში გადაუდებელი ოპერაცია უტარდება.
მომხდარ ფაქტზე გამოძიება საქართველოს სისხლის სამართლის კოდექსის 19-108-ე(„განზრახ მკვლელობის მცდელობა“) და 236-ე მუხლებით(„ცეცხლსასროლი იარაღის უკანონო შეძენა–შენახვა“) მიმდინარეობს, რაც 7–დან 15 წლამდე ვადით თავისუფლების აღკვეთას ითვალისწინებს