თბილისი, 18 სექტემბერი — Sputnik. ანტალიიდან ესქიშეჰირისკენ მოძრავი სარეისო ავტობუსი ცენტრალურ თურქეთში, აფიონკარაჰისარის პროვინციაში გადაბრუნდა, იუწყება საინფორმაციო სააგენტო РИА Новости ტელეარხ NTV-ზე დაყრდნობით.
ავტოავარიის შედეგად დაიღუპა რვა ადამიანი, 28 - დაშავდა. დაშავებულები საავადმყოფოებში გადაიყვანეს.
თვითმხილველები აცხადებენ, რომ ავტობუსი, ჯერჯერობით დაუდგენელი მიზეზით, გზატკეცილიდან გადავიდა და ამობრუნდა.
შემთხვევის სხვა დეტალები ჯერჯერობით უცნობია. ფაქტზე გამოძიება მიმდინარეობს.