საქართველოს და ლატვიის ნაკრებებს შორის უეფას ერთა ლიგის მატჩის პარალელურად თბილისში საპროტესტო აქცია გაიმართა.
"ქართული მარშის" წარმომადგენლებმა ბორის პაიჭაძის სახელობის სტადიონთან აქცია-პერფორმანსი გამართეს. ტრადიციული ფასეულობების დამცველი ნაციონალისტების, კონსერვატორებისა და სხვა ძალების უკმაყოფილების მიზეზი უეფას გადაწყვეტილება გახდა, რომელმაც 30 აგვისტოს საქართველოს ნაკრების ცენტრალურ მცველს გურამ კაშიას Equal Game ჯილდო მიანიჭა. უეფამ ფეხბურთელი იმით გამოარჩია, რომ გასულ სეზონზე ჰოლანდიური კლუბების კაპიტანებს შორის აქციაში მონაწილეობისას ხელზე ფერადი სამკლაური გაიკეთა, რითიც მხარდაჭერა გამოხატა ლგბტ საზოგადოების მიმართ.