თბილისი, 7 სექტემბერი — Sputnik. საქართველოდან აშშ-ში ექსტრადირებულია რუსეთის მოქალაქე ანდრეი ტიურინი, რომელსაც საფინანსო დაწესებულებების სისტემების გატეხვის მცდელობა ედება ბრალად, იუწყება РИА Новости აშშ-ის საიდუმლო სამსახურის, გამოძიებათა ფედერალური ბიუროს და პროკურატურის ერთობლივ განცხადებაზე დაყრდნობით.
„დღეს აშშ-ის საიდუმლო სამსახური, გამოძიებათა ფედერალური ბიურო და პროკურატურა აცხადებენ რუსი ჰაკერის ექსტრადაციის შესახებ, რომელიც პასუხისმგებელია მასშტაბურ ჰაკერულ კამპანიაზე, აშშ-ის საფინანსო დაწესებულების კლიენტების მონაცემების მოპარვის ჩათვლით, რომელიც ისტორიაში უმსხვილესი გახდა. ანდრეი ტიურინი ექსტრადირებულია საქართველოდან“, — ნათქვამია განცხადებაში.