„პირველ რიგში, ეს არის გულგრილობა, აგრესია ცხოველების მიმართ. სამწუხაროდ, ძალიან ხშირად გვიწევს დაჩეხილ, დამტვრეულ, ნაწამებ ძაღლებთან და კატებთან მუშაობა. რა თქმა უნდა, ქუჩის ცხოველებს ვგულისხმობ. სასურველია რეგულაციები გამკაცრდეს“, – ამბობს სერგო ოსიპოვი.
ვეტერინარის განცხადებით, როცა ასეთ საშინელ დანაშაულს ჩადის ადამიანი, მან შესაბამისად უნდა აგოს პასუხი და გაუშვან ციხეში. საქართველოში ამასთან დაკავშირებით კანონი არსებობს, თუმცა მას მიაჩნია, რომ ის საკმარისად მკაცრი არ არის.