„ახლა როდესაც გვეუბნებიან, რომ აბიტურიენტები ვეღარ შევძლებთ ამ უნივერსიტეტში ჩაბარებას გვიწევს ალტერნატიული გზების ძებნა. დრო იმდენად მცირეა, რომ ახალი უნივერსიტეტების მოძიება და მათი პროგრამის გაცნობა ძალიან რთულია. მოვუწოდებ და ვთხოვ განათლების სამინისტროს, რომ გადახედოს ამ გადაწყვეტილებას", - ამბობს ჩხუტიშვილი.
ბესო ჩხუტიშვილი შავი ზღვის საერთაშორისო უნივერსიტეტში ინგლისურენოვან მენეჯმენტზე სწავლას აპირებდა, თუმცა გეგმების განხორციელებაში ხელი შეეშალა, რადგან აკრედიტაციის საბჭომ უნივერსიტეტს სტუდენტების მიღება ერთი წლით შეეზღუდა. მიზეზად სასწავლებლის მხრიდან დავალიანება - 700 ათასი ლარი სახელდება. მისი სამართლიანობის შესახებ სასამართლო დავა მიმდინარეობს. უნივერსიტეტი განმარტავს, რომ სასამართლო დავის წაგების შემთხვევაში მზადაა, გადაიხადოს აღნიშნული თანხა.