თბილისი, 21 აგვისტო — Sputnik. პოპულარულმა თურქმა მსახიობმა მერიემ უზერლიმ, რომელმაც დიდი პოპულარობა სერიალ „დიდებულ საუკუნეში“ სულთან ჰიურემის შესრულებული როლით მოიპოვა, Instagram-ის საკუთარ გვერდზე საქართველოში დასვენების დროს გადაღებული ფოტოები ატვირთა.
ვალერი მელაძე საქართველოში — „დროშები“ გამოფენილია >>
„მიყვარხარ, საქართველო“, — ასეთი წარწერა დაურთო მერიემმა ბათუმში გადაღებულ ფოტოს, რითაც ქართველი თაყვანისმცემლები აღაფრთოვანა.
ღმერთო ჩემო! ჩემი საყვარელი მსახიობი ჩემს ქვეყანაშია! მერიემ, გთხოვ, თბილისშიც ჩამოდი“, — წერს ინტერნეტ-მომხმარებელი keti.gold.
„მოგესალმებით საქართველოში, მერიემ! ძალიან გვიყვარხარ!“, — წერს მომხმარებელი fairytalee03.
მერიემ უზერლი — თურქ-გერმანელი მსახიობია, რომელსაც დიდი პოპულარობა მოუტანა ისტორიულ სერიალ „დიდებულ საუკუნეში“ მთავარი როლის შესრულებამ. მან შეასრულა სულთან სულეიმან I-ის კანონიერი მეუღლის, ჰიურემ სულთნის (როქსოლანას) როლი. სერიალი აჩვენეს 50-ზე მეტ ქვეყანაში, მათ შორის რუსეთში, საქართველოში, უკრაინაში, ყაზახეთში, ყირგიზეთში.