თბილისი, 16 აგვისტო – Sputnik. საქართველოში იანვარ–ივლისში დარეგისტრირებული დანაშაულის რაოდენობამ 33 ათასს გადააჭარბა, რაც გასული წლის ანალოგიური პერიოდის მონაცემზე 55,8%–ით მეტია. ასეთია საქართველოს შსს–ს ვებგვერდზე განთავსებული მონაცემები.
წლის დასაწყისიდან გაიხსნა 12 ათასზე მეტი დანაშაული. დანაშაულის გახსნის მაჩვენებელია 36,6%.
უველაზე გავრცელებული დანაშაულია საკუთრების წინააღმდეგ მიმართული დანაშაულები, როგორიცაა ქურდობა, ძარცვა, თაღლითობა და გამოძალვა. შვიდ თვეში დაფიქსირდა ამგვარი დაახლოებით 13 ათასზე მეტი დანაშაული. ეს გასული წლის ამავე პერიოდის მონაცემზე 68,8%–ით მეტია.
მეორე ადგილზეა ადამიანის სიცოცხლის წინააღმდეგ მიმართული დანაშაულები – ჯანმრთელობისთვის განზრახ მძიმე ზიანის მიყენება, ძალადობა, ოჯახური ძალადობა და სხვა. შვიდ თვეში დაფიქსირდა ასეთი 6,3 ათასი დანაშაული, რაც გასული წლის მაჩვენებელზე 142%–ით მეტია.
მესამე ადგილზეა ნარკოდანაშაული. მიმდინარე წლის შვიდ თვეში ასეთი 2,5 ათასი დანაშაული დაფიქსირდა, რაც გასული წლის მონაცემზე 18,8%–ით ნაკლებია.