„საზოგადოების ნაწილი ისე დაეცა, ავაზაკს, პატრიარქის მოცილება ვისაც სურდა, იმ დაჯგუფების ერთ-ერთ წევრს, აცხადებენ ლამის გმირად და ლამის მოწამედ. თითქმის ორი წელია, მაგათ ავაზაკობას ვითმენ, ვუსმენ. არ გეგონოთ, რომ შეწყალების მოწინააღმდეგე ვარ, მე პრეზიდენტის გადაწყვეტილებაში ვერ ჩავერევი“, — განაცხადა მეუფე იაკობმა.
მეუფის თქმით, თუ სახელმწიფოს არ შეუძლია, თავად დაიწყებს სამართლიანობის აღდგენას.
9 აგვისტოს დეკანოზ გიორგი მამალაძის ადვოკატებმა პრეზიდენტს, გიორგი მარგველაშვილს მათი დაცვის ქვეშ მყოფის შეწყალების თხოვნით მიმართეს. ადვოკატების განცხადებით, მიუხედავად შეწყალების თხოვნისა, დეკანოზი თავს უდანაშაულოდ სცნობს.