თბილისი, 26 ივლისი — Sputnik. თბილისში იწყება რბოლა თეატრალური პრემია „დურუჯი 2018"-ის მოსაპოვებლად. წელს ჯილდოსთვის ხუთ სხვადასხვა ნომინაციაში ქვეყნის 17 თეატრი იბრძოლებს.
წელს თეატრალური პრემია „დურუჯი", რომელიც საქველმოქმედო ფონდ „ცისკრისა" და კომპანია „რედიქს ჯგუფის" მიერ არის დაარსებული, იუბილეს აღნიშნავს — პრემია თეატრის საუკეთესო მოღვაწეებს უკვე ათი წელია, რაც გადაეცემათ.
წელს კონკურსში 28 კანდიდატი მონაწილეობს.
სხვადასხვა ჯილდოსთვის იბრძოლებენ:
საუკეთესო რეჟისორული ნამუშევარი
ბათუმის თოჯინებისა და მოზარდ მაყურებელთა პროფესიული სახელმწიფო თეატრი — „წერილი ჯერალდინას" — რეჟისორი ელენე მაცხონაშვილი; სამეფო უბნის თეატრი — „დემონები" — რეჟისორი მიხეილ ჩარკვიანი; სამეფო უბნის თეატრი — „ჩვენი კლასი" — რეჟისორი თემურ ჩხეიძე.
საუკეთესო თანამედროვე ქართული პიესა
კოტე მარჯანიშვილის სახელობის პროფესიული სახელმწიფო დრამატული თეატრი — „ნავიგატორი" — ლაშა ბუღაძე; ბათუმის ილია ჭავჭავაძის სახელობის პროფესიული სახელმწიფო დრამატული თეატრი — „ედიტ პიაფი" — ნინო სადღობელაშვილი.
საუკეთესო სცენოგრაფი (მხატვარი)
გორის გიორგი ერისთავის სახელობის პროფესიული სახელმწიფო დრამატული თეატრი — „ანტიგონე" — სერგეი შივცი; ბათუმის თოჯინებისა და მოზარდ მაყურებელთა პროფესიული სახელმწიფო თეატრი — „წერილი ჯერალდინას" — ვახტანგ ქორიძე, ელენე მაცხონაშვილი.
საუკეთესო მსახიობი მამაკაცი
სამეფო უბნის თეატრი — „მარიონეტების ცხოვრებიდან" — თორნიკე გოგრიჭიანი; სამეფო უბნის თეატრი — „დემონები" — კახა კინწურაშვილი; სამეფო უბნის თეატრი — „დემონები" — თორნიკე გოგრიჭიანი; ბათუმის ილია ჭავჭავაძის სახელობის პროფესიული სახელმწიფო დრამატული თეატრი — „სიყვარულის ფორმულა, ანუ დონ ჟუანი" — დათო ჯაყელი; რუსთავის გიგა ლორთქიფანიძის სახელობის დრამატული თეატრი — „შეშლილის წერილები" — ანდრია ვაჭრიძე.
საუკეთესო მსახიობი ქალი
ბათუმის ილია ჭავჭავაძის სახელობის პროფესიული სახელმწიფო დრამატული თეატრი — „ედიტ პიაფი" — მაია ცეცხლაძე; ბათუმის ილია ჭავჭავაძის სახელობის პროფესიული სახელმწიფო დრამატული თეატრი — „სიყვარულის ფორმულა ანუ დონ ჟუანი" — მეგი კობალაძე; ფოთის ვალერიან გუნიას სახელობის პროფესიული სახელმწიფო დრამატული თეატრი — „მკვდარი ქალაქები" — ნიარა ჭიჭინაძე; სამეფო უბნის თეატრი — „დემონები" — ქეთა შათირიშვილი; სამეფო უბნის თეატრი — „ჩვენი კლასი" — ნატალია გაბისონია.
პრემიის ფარგლებში ლაურეატებს ქანდაკებასთან ერთად გადაეცემა ფულადი ჯილდოები. საუკეთესო რეჟისორისთვის განკუთვნილია 12 ათასი ლარი, დანარჩენ ნომინაციებში გამარჯვებულებისთვის — 2-2 ათასი ლარი.
გამარჯვებულებს ხუთკაციანი კომპეტენტური ჟიური ფარული კენჭისყრით, დაჯილდოების ცერემონიამდე რამდენიმე საათით ადრე გამოავლენს.
დაჯილდოების ცერემონია შემოდგომაზე ყვარელში, კოტე მარჯანიშვილის სახლ-მუზეუმში გაიმართება.