თბილისი, 26 ივლისი — Sputnik. ბათუმში პირველად მოეწყობა ფრანების ფესტივალი, იუწყებიან ორგანიზატორები.
ფერადოვანი შოუ ორდღიანი იქნება, გაიმართება 28 და 29 ივლისს ბათუმის სანაპიროზე, ცენტრალური პარკის პირდაპირ.
ფესტივალში მონაწილეობის შესახებ დაახლოებით 100-მა საფრენი აპარატების მოყვარულმა განაცხადა. ღონისძიების სტუმრები შეძლებენ არა მხოლოდ დატკბნენ პროფესიონალების შოუს ცქერით, არამედ თავადაც გაუშვან ფრანი.
ორგანიზატორებმა მოამზადეს რამდენიმე მასტერ-კლასი, მათ შორისაა სპორტული და სამოყვარულო ფრანის გაშვება და ხელნაკეთი ფრანების აწყობა.
ფესტივალის სტუმრების განწყობაზე იზრუნებენ მოწვეული დი-ჯეები Chiki და Rezz.
ორგანიზატორების თქმით, უამინდობის შემთხვევაში ფესტივალი პირველივე დღეს გაიმართება, როგორც კი გამოიდარებს. შოუ ოფიციალურად 12:00 საათზე გაიხსნება.
ღონისძიების ორგანიზატორია Kitedreams Georgia.