თბილისი, 19 ივლისი — Sputnik. ვაკეში მშენებარე კორპუსის ეზოში ახალგაზრდა მამაკაცის ცხედარი იპოვეს, იუწყება ტელეკომპანია Imedi.
შემთხვევა თბილისში, ფალიაშვილის ქუჩაზე გუშინ საღამოს მოხდა.
გავრცელებული ინფორმაციით, ახალგაზრდა, სავარაუდოდ, კორპუსიდან გადმოხტა.
შემთხვევის ადგილზე მობილიზებული იყო საპატრულო პოლიციისა და სასწრაფო სამედიცინო დახმარების ბრიგადები.
გამოძიება დაწყებულია სსკ-ის 115-ე მუხლით, რაც თვითმკვლელობამდე მიყვანას გულისხმობს.