„ეს არასრულწლოვნები საკმაოდ საინტერესო ინფორმაციას გვაწვდიან, აქედან ნაწილი ემთხვევა იმას, რაც ჩვენებებში იყო, ნაწილი არის უფრო მეტად გავრცობილი. საბოლოო ჯამში, ეს გამოკითხვები არის მნიშვნელოვანი სრული სურათის შესაქმნელად“, – განუცხადა დროებითი საგამოძიებო კომისიის თავმჯდომარემ სერგი კაპანაძემ ტელეკომპანია „იმედს“.
ხორავას ქუჩაზე ორი არასრულწლოვანი დავით სარალიძე და ლევან დადუნაშვილი 2017 წლის 1 დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე — მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს.