თბილისში, ეგრეთ წოდებული, ზაკვოს ყოფილი შენობა, რომელიც ამჟამად TBC-ბანკს ეკუთვნის, გიგანტურ არტ-ობიექტად იქცა.
ვაკე-საბურთალოს გზაზე მდებარე შენობის ფასადზე წმინდა გიორგის ამსახველი გრაფიტი გაჩნდა. გავრცელებული ინფორმაციით, გრაფიტის ავტორი ქუჩის მხატვარი არტიომ სტეპანოვია. მხატვარს აშკარად ტიტანური შრომა აქვს ჩატარებული. სამაგიეროდ, ეს კარგა ხნის წინ მიტოვებული შენობა ახლა უფრო ხალისიანად გამოიყურება.