ტუნისის საფეხბურთო ნაკრებმა პანამას მოუგო

ტუნისის ნაკრებმა 2018 წლის ფეხბურთის მსოფლიო ჩემპიონატზე პირველად მოიგო, თუმცა გუნდი ტურნირს დაემშვიდობა.
Sputnik

თბილისი, 29 ივნისი – Sputnik. ტუნისის საფეხბურთო ნაკრებმა რუსეთში ფეხბურთის მსოფლიო ჩემპიონატზე G ჯგუფის მატჩში პანამის გუნდს სძლია – 2:1.

გოლები გაიტანეს ტუნისელებმა ფაჰრედინ ბენ–იუსეფმა და ვახბი ჰაზრიმ. რაც შეეხება პანამელების ანგარიშზე ჩაწერილ გოლს, ესეც ტუნისელი იასინ მერიის ავტოგოლია.

Футбол. ЧМ-2018. Матч Панама - Тунис

ტუნისის ნაკრებმა მსოფლიო ჩემპიონატზე გამოსვლა დაასრულა, ის სამი ქულით ჯგუფში მესამე ადგილზე გავიდა. პანამამ, მსოფლიო ჩემპიონატის დებიუტანტმა, სამივე მატჩი წააგო.

მსოფლიო ჩემპიონატი ფეხბურთში რუსეთში 14 ივნისს დაიწყო და 15 ივლისს დამთავრდება.